Նոյեմբերի 12-ին տոնական տրամադրություն
էր Արցախի պետական համալսարանում: Շարունակվում են Արցախի մայր բուհի
40-ամյա հոբելյանին նվիրված միջոցառումները: Եվ միջոցառումներից
յուրաքանչյուրը առիթ է կրկին անգամ անդրադառնալու մայր բուհի
ձեռքբերումներին, գնահատելու նրանց, ում ավանդը այս բուհում
տասնամյակներով է չափվում:
Արցախի պետական համալսարանի
այսօրվա գիտխորհրդի նիստը սովորական
նիստերից տարբերվում էր մասնակիցների
թվով և աշխատաոճով: Հոբելյանական միջոցառումներ շարքում գիտխորհրդի
հիրավի տոնական
նիստը հերթականն էր:
Մայր բուհի հիմնադրման 40 -ամյա տարեդարձի արժեվորումը անխզելիորեն
կապված է այն մարդկանց հետ, ում տարիների վաստակով սերունդներ են
կրթվել: Այդ նվիրյալների շնորհիվ է պահվելու գիտելիքի այս
դարբնոցի հուրը : Արցախի պետական համալսարանի 40-ամյա հոբելյանի և
Լեռնային Ղարաբաղի հանարապետության կրթության եւ գիտության
բնագավառում ունեցած ծառայությունների և ավանդի համար ԼՂՀ վարչապետի
որոշմամբ մեդալներ ստացան Լաուրա Առստամյանը, Վանյա
Ավանեսյանը, Նարինե Ավանեսյանը, Ամալյա Մարտիրոսյանը, Անահիտ
Եղիազարյանը, Ժաննա Անաստասյանը, Լեռնիկ Հովհաննիսյանը: