12. 286. 478 դոլարի
նվիրատվություն եւ նվիրատվության
խոստում է ստացվել
Լոս Անջելեսում կայացած ″Հայաստան″ Համահայկական հիմնադրամի ″Հեռուստամարաթոն-2011″-ի արդյունքում: Այս տարվա
հեռուստամարաթոնի ընթացքում հանգանակված գումարը
ավելի քան 2 միլիոն
դոլարով գերազանցել
է անցած տարվա
արդյունքները:
Նախորդ` 13-րդ
հեռուստամարաթոնին հանգանակվել էր 10 միլիոն
200 հազար դոլար, ևս
10 միլիոն 600 հազար գումար էր
հանգանակվել
Հայաստանի նախագահի նախաձեռնությամբ`
Մոսկվայում ռուսաստանա-բնակ հայազգի գործարարների
մասնակցությամբ կայացած
ճաշկերույթի ընթացքում: ″Հեռուստամարաթոն-2011″-ին
հանգանակված
գումարի վերջնական չափը կամփոփվի
դեկտեմբերի 2-րդ կեսին`
Հայաստանի նախագահի մասնակցությամբ
կայանալիք մոսկովյան ավանդական ճաշկերույթից
հետո:
Հավաքված
միջոցները կուղղվեն Հայաստանում և Արցախում ջրամատակարարման ոլորտի
վերականգնման
ծրագրերի
իրականացմանը, որը Հոգաբարձուների խորհրդի կողմից`
հաստատված է որպես
հիմնադրամի 2011 թ-ի հիմնական ռազմավարական ծրագիր: