Լուրեր

Հեքիաթներ Ամերիկայի մասին կամ մարդկային դիմանկարների պատկերասրահամերիկահայ գրողից

2018-07-05
«Եթե ուզում ես ցույց տալ չար մարդուն, գտիր որտեղ է նա բարի, եթե ուզում ես ցույց տալ բարի մարդու՝ գտիր, թե որտեղ է նա չար». Ստանիսլվասկու այս խոսքերն է որպես բնաբան ընտրել Վարդգես Դավթյանը իր նոր ժողովածուի համար: «Հեքիաթներ Ամերիկայի մասին» հոգեբանական ճեպանովելների ժողովածուն լույս է տեսել ԱՄՆ-ում 2017 թվականին: Այս եւ հեղինակի մյուս գրքերը ընթերցողները Ավետիք Իսահակյանի տուն-թանգարանում են ընթերցում եւ քննարկում: « Սա գրողի տուն- թանգարան է, մշակութային օջախ, որտեղ մշտապես կազմակերպվում են ընթեցումներ եւ գրական ցերեկույթներ: Մեր հերթական միջոցառումը նվիրված է Վարդգես Դավթյանի գրականությանը»,- ասում է Ավետիք Իսահակյանի տուն- թանգարանի տնօրեն Անժելա Խորենյանը: Նա անկեղծանում է Վարդգես Դավթյան գրողին մի քանի ամիս է, ինչ հայտնաբերել է իր համար: «Վարդգես Դավթյանը ինձ համար իրոք բացահայտում էր: Նրա ստեղծագործությունները մարդկային դիմանկարների պատկերասրահ է: Ընդամենը մի քանի շտրիխ, մի քանի վրձնահարված եւ բացահայտվում է մարդկային ճակատագիրը: Նա խոսում է հայ մարդու մասին՝ բացահայտելով համամարդկային խնդիրներ: Ուրախ եմ, որ դեռ շատ կան գործեր, որ «վայելելով» պիտի կարդամ»,- պատմում է Ավետիք Իսահակյանի տուն- թանգարանի տնօրենը: Գրական ցերեկույթը կազմակերպվել է « Զինվորի մայր» հասարակական կազմակերպության հետ համատեղ: « Մեր կազմակերպությունը կոչվում է «Զինվորի մայր»: Թվում է՝ այն ոչ մի կապ չունի արվեստի եւ գրականության հետ: Սակայն ես կարծում եմ, հայ գրականությունը, հայի ինքնությունը արտերկրում տարածողները նույնպես զինվորներ են եւ մեր պարտքն է աջակցել նրանց եւ օգնել, որ նրանց գործերը հանրայնացվեն նաեւ հայրենիքում: Ավետիք Իսահակյանի տուն- թանգարանի հետ համատեղ մենք որոշեցիքն կազմակերպել այս հուշ ցերեկույթը, որը հույս ունեմ մտորելու առիթ կդառնա շատերի համար»,- ասում է «Զինվորի մայր» ՀԿ նախագահ Անահիտ Հովնանյանը: Վարդգես Դավթյանը իրեն նվիրված գրական ցերեկույթին ներկա չէ, շուրջ 20 տարի նա ապրում եւ ստեղծագործում է ԱՄՆ-ում, որտեղ էլ լույս են տեսել նրա ստեղծագործությունների վերջին չորս ժողովածուները: մանրամասն >>

 

Ամփոփվել են աշխատանքի տոնավաճառի արդյունքները

2018-07-05


Աշխատանքի և զբաղվածության գործակալությունում ամփոփել են աշխատանքի տոնավաճառի արդյունքները: Աշխատանք փնտրող 400 քաղաքացի և 24 գործատու հանդիպել էին 2-րդ անգամ: Տոնավաճառում ներկայացված էր 492 թափուր աշխատատեղ...
մանրամասն >>

 

Արցախում է Համազգային հայ կրթական և մշակութային միության Նյու Ջերսիի

2018-07-05


Համազգային հայ կրթական և մշակութային միության Նյու Ջերսիի "Նաիրի" պարային խումբը Արցախում է՝ համերգային ծրագրով: Երեկ հյուրընկալվել են Ստեփանակերտում, իսկ այսօր Մարտունիում և ՊԲ տանկային զորամասերից մեկում: Համույթի անդամներից շատերն...
մանրամասն >>

 

Նախագահ Սահակյանը ներկայացրել է բնապահպանության եւ բնական ռեսուրսների նոր նախարարին

2018-07-05

Ինչպես հայտնել են Արցախի Հանրապետության նախագահի աշխատակազմի տեղեկատվության գլխավոր վարչությունից, Նախագահ Բակո Սահակյանը ստորագրել է հրամանագիր, համաձայն որի՝ Ֆելիքս Գաբրիելյանը նշանակվել է Արցախի Հանրապետության բնապահպանության եւ բնական ռեսուրսների նախարար:
Հուլիսի 5-ին...
մանրամասն >>