Լեռնային Ղարաբաղում խորհրդարանի ընտրությունները տեղի կունենան մայիսի 23-ին:
ԼՂՀ նախագահի աշխատակազմի տեղեկատվության գլխավոր վարչությունից հայտնում են, որ Արցախի Հանրապետության նախագահ Բակո Սահակյանը փետրվարի 5-ին հրամանագիր է ստորագրել Լեռնային Ղարաբաղի Հանրապետության Ազգային ժողովի հերթական ընտրությունը 2010 թվականի մայիսի 23-ին նշանակելու մասին:

Լեռնային Ղարաբաղի Հանրապետությունը պետք է ունենա միջազգային չափանիշներին համապատասխան Օդային օրենսգիրք: Այդ մասին հայտարարել է ԼՂՀ նախագահ Բակո Սահակյանը՝ փետրվարի 4-ին ԼՂՀ Օդային օրենսգրքի մշակման հետ կապված հարցերին նվիրված խորհրդակցությանը:

Արցախի Հանրապետության նախագահ Բակո Սահակյանը փետրվարի 4-ին հրամանագիր է ստորագրել «Արցախբանկ» փակ բաժնետիրական ընկերությունում ԼՂՀ քաղաքացիների`1993 թվականից արժեզրկված ավանդների նախնական փոխհատուցման մասին:

ԼՂՀ ոստիկանության կոլեգիայի նիստում ամփոփվել է  ոստիկանության մարմինների և ստորաբաժանումների  2009 թվականի օպերատիվ ծառայողական գործունեությունը: Ոստիկանապետի տեղեկանքը լսել է հանրապետության նախագահը: Համակարգի գործունեությունը գնահատվել է բավարար, նաև քննադատություն է  հնչել:

Արցախ ՀԷԿ՚ ԲԲԸ 2009 թ-ը    ավարտել է   լավ ցուցանիշներով: 2009 թ-ին  ընկերությունում բաժանորդագրվել է 1111 բաժնետեր: Ընկերության   կանոնադրական  կապիտալը   աճել է`  5մլրդ 100մլն-ից հասնելով     5մլրդ.962 մլն դրամի:

Նախագահ Բակո Սահակյանի մոտ տեղի ունեցած խորհրդակցության ժամանակ լսվել է Արցախի ներդրումային հիմնադրամի գործունեության 2009 թվականի տարեկան հաշվետվությունը,  հստակեցվել են անելիքները: Այն, որ հիմնադրամի  գործունեության տարեկան  հաշվետվությունը լսվում է նման բարձր մակարդակով` խորհրդարանի ու կառավարության ղեկավարների, նախարարների ու Ազգային ժողովի համապատասխան հանձնաժողովի նախագահի,  Անվտանգության խորհրդի քարտուղարի մասնակցությամբ` խոսում է այն մասին, թե ինչպիսի կաևորություն ունի մեր սոցիալ-տնտեսական կյանքում այն ծրագրերը, որ իրականացնում է Արցախի ներդրումային հիմնադրամը: