Նորեկ Գասպարյան: ԼՂՀ Հեռուստառադիոընկերության Խորհրդի Նախագահ:
1959 թ. եմ ծնվել, նոյեմբերի 7-ին, Արցախ աշխարհում:
Ամենաանմեղ, այսինքն` մանկության օրերս շարել եմ Շուշիի նեղլիկ փողոցներում, քարոտ նրբանցքերում, գունավոր տանիքներին, ծառերի ճյուղերին ու կամարապատ դարպասների առաջ:
Բանասիրական կրթություն եմ ստացել:
Իսկ գրել սկսել եմ 15 տարեկանից և մինչև օրս հասցրել եմ գրել ընդամենը տաս գիրք: Մեկը` մի քիչ լավ, մեկը` մի քիչ վատ, բայց բոլորն էլ անկեղծ: Մտադիր եմ գրել մի քանիսը ևս, և բանաստեղծություններ, և պատմվածք, որը հաջողվի:
Նաև լրագրությամբ եմ զբաղվում: Վաստակավոր լրագրող եմ: Տասնյակ փաստավավերագրական հեռուստաֆիլմերի հեղինակ եմ:
Համոզված եմ, որ հայրենասիրությունը պատերազմից հետո վերածվել է հայրենապաշտության և Արցախ աշխարհը երբեք չի տկարանալու սիրո պակասից:
Արթուր Վեսմիրի Ներսիսյան: Հանրային հեռուստառադիոընկերության գործադիր տնօրեն:
Ծնվել է 1963 թ. սեպտեմբերի 26-ին, Ստեփանակերտ քաղաքում:
1980 ավարտել է Ստեփանակերտի թիվ 2 միջնակարգ դպրոցը:
1981 թ. ընդունվել և 1985թ. ավարտել է Ստեփանակերտի մանկավարժական ինստիտուտի պատմության ֆակուլտետը:
1985 թ. հոկտեմբերից մինչև 1987 թ. մայիս ծառայել է ԽՍՀՄ զինված ուժերի շարքերում:
1988 թ. մայիսից մինչև 2005թ. սեպտեմբեր աշխատել է հեռուստատեսությունում` որպես օպերատոր, 1995-96 թթ.` գլխավոր օպերատոր: Հեղինակ է մի շարք հեռուստաֆիլմերի և հաղորդումների:
2005 թ. սեպտեմբերից մինչև 2006թ. նոյեմբեր աշխատել է ″Արվարդ″ ՓԲԸ-ում` որպես գործադիր տնօրեն:
2007 թ. հունվարից մինչև 2011թ. մարտը աշխատել է ԼՂՀ ″Հանրային հեռուստառադիոընկերությունում″ ՓԲԸ-ում որպես ծրագրերի տնօրեն:
2011 թ. ապրիլին նշանակվել է ԼՂՀ ″Հանրային հեռուստառադիոընկերության″ գործադիր տնօրեն:
2008 թ. պարգևատրվել է ″Մայրական երախտագիտություն` Արցախի քաջորդիներին″ մեդալով:
Անկուսակցական է:
Ամուսնացած է, ունի երկու դուստր:
Հրայր Համլետի Ավետիսյան
Գլխավոր ռեժիսոր
Ծնվել է 1971թ. փետրվարի 18-ին ք. Ստեփանակերտում /ԼՂՀ/:
1978 -1988թթ ուսանել է նույն քաղաքի թիվ 10 միջնակարգ դպրոցում:
1988թ. ընդունվել է Երևանի գեղարվեստաթատերական ինստիտուտի գրաֆիկական դիզայնի բաժինը. և ավարտել 1993թ.:
1991 թ. դեկտեմբեր ամսից կամավոր մասնակցել է Արցախի ազատագրական շարժմանը:
1996թ. աշխատանքի անցել Հրազդանի հեռուստատեսություն, միաժամանակ, մասնակցել INTERNEWS-ի կազմակերպած օպերատորական և ռեժիսորական որակավորման կուրսերին:
Նույն թվականին մեկնել է Ֆրանսիա և երկու ամիս աշխատել մասնավոր հեռուստատեսությունում:
1996թ. հուլիսից աշխատանքի է անցել Արցախի հանրային հեռուստատեսություն, որպես ռեժիսոր, ապա` 2000թ. գլխավոր ռեժիսոր:
1998թ-ից Ստեփանակերտի մամուլի ակումբի վարչության անդամ է:
1999-2000թթ. զբաղեցրել է Ստեփանակերտի քաղաքապետարանի լրատվական ծառայության պետի պաշտոնը:
Կինոմատոգրաֆիայի և հեռուստատեսության բնագավառում երկու անգամ /2005թ., 2008թ/ արժանացել է Եղիշեի անվան պետական մրցանակին:
Ամուսնացած է. ունի երկու դուստր և մեկ արու զավակ:
Արսեն Արամայիսի Առստամյան: ''Օր'' լրատվական ծրագրի գլխավոր խմբագիր:
Ծնվել է 1980թ. սեպտեմբերի 21-ին, ԼՂԻՄ Ստեփանակերտ քաղաքում:
1987թ. հաճախել և 1997 թվականին ավարտել է Ստեփանակերտի Խ. Աբովյանի անվան համար 1 միջնակարգ դպրոցը:
1997թ. ընդունվել և 2004 թվականին ավարտել է ԱրՊՀ բանասիրական ֆակուլտետի ″Հայոց լեզու և գրականություն″ բաժինը:
1998-2009թթ. ծառայել է Հայկական զինված ուժերում` զբաղեցնելով տարբեր պաշտոններ:
Ծառայությանը զուգահեռ, համատեղության կարգով, 2003թ. և 2008-2009թթ. աշխատել է Արցախի հանրային հեռուստառադիոընկերությունում` որպես խմբագիր-հաղորդավար, իսկ 2007թ. հունվարից մինչև հուլիս համակարգել է Արցախի ազատամարտիկների միության ″Հայրենյաց պաշտպան″ հեռուստածրագրի աշխատանքները:
2005-2007թթ. սովորել է ԱրՊՀ մագիստրատուրայում` ″Հայ գրականություն″մասնագիտությամբ: Ունի բանասիրության մագիստրոսի աստիճան:
2008թ. ապրիլի 11-ից ՀՀ ԶՈՒ ԳՇ պետի հրամանով ծառայության մեջ առաջխաղացման կարգով նշանակվել և հետագա ծառայությունը շարունակել է ՀՀ ՊՆ տեղեկատվության վարչությունում` որպես բանակային լրատվության բաժանմունքի առաջին բանակային կորպուսի թղթակցական կետի խմբագիր-օպերատոր:
2009թ. հուլիսի 21-ին, հաստիքների վերահայտարարման կապակցությամբ, նշանակվել և հետագա ծառայությունը շարունակել է ՀՀ ՊՆ տեղեկատվության և հասարակայնության հետ կապերի վարչությունում` որպես ռազմահայրենասիրական դաստիարակության և հասարակայնության հետ կապերի բաժնի հանրային կապերի և միջգերատեսչական համագործակցության բաժանմունքի ավագ սպա:
2009թ. դեկտեմբերի 12-ին, հաստիքների կրճատման պատճառով, ՀՀ պաշտպանության նախարարի հրամանով զորացրվել է ՀՀ ԶՈՒ շարքերից:
2009թ. դեկտեմբերի 12-ին նշանակվել է ՀՀ ՊՆ տեղեկատվության և հասարակայնության հետ կապերի վարչության ռազմահայրենասիրական դաստիարակության և հասարակայնության հետ կապերի բաժնի հանրային կապերի և միջգերատեսչական համագործակցության բաժանմունքի գլխավոր մասնագետի պաշտոնին: Նույն հրամանով շնորհվել է քաղաքացիական հատուկ ծառայության 3-րդ դասի խորհրդականի դասային աստիճան:
Շուրջ 12 տարվա զինվորական ծառայության ընթացքում հրամանատարության կողմից բազմիցս արժանացել է շնորհակալության, պարգևատրվել ″Անբասիր ծառայության համար″ առաջին աստիճանի և ″Ծովակալ Իսակով″ մեդալներով, պատվոգրերով ու արժեքավոր նվերներով:
Լրագրողական գործունեությամբ սկսել է զբաղվել 1995 թվականից` պարբերաբար հանդես գալով Արցախի պետական հեռուստատեսությամբ շաբաթը մեկ անգամ եթեր հեռարձակվող ″Կարկաչ″ մանկապատանեկան ծրագրով:
2010 թվականի հունիսից աշխատանքի է անցել ″Արցախի հանրային հեռուստառադիոընկերություն″ ՓԲԸ-ում` որպես ″Օր″ լրատվական ծրագրի հաղորդավար:
2011 փետրվարին նշանակվել է ″Օր″ լրատվական ծրագրի գլխավոր խմբագիր:
Ունի մայորի զինվորական կոչում:
Անկուսակցական է:
Ամուսնացած չէ:
